හැකියාවට රැකියාවක් - හඳුන්වා දීම [ Part 01]

මොකක්ද මේ හැකියාවට රැකියාව??? බොරු පොරොන්දුවත්ද? පිස්සුද? ටෙක් ලෝකයේ අපි එහෙම කරනවද? :P මේ කියන්නේ අන්තර්ජාලයෙන් මුදල් සෙවීම හෙවත් E-money ගැන. E-money කිව්වම ඉතින් මේ දවස්වල FB groups වල එහෙම links වැහි වැහැලා.. හැබැයි ඔය එකක්වත් සාර්ථක ඒවද? තියෙන්නේ ads click කරන්නයි apps download කරන්නයි.. ads click කරලා සල්ලි හොයන්න පුළුවන්. ඒත් ad එකකට හම්බෙන්නේ $0.001ක් වගේ ගානක්නේ. ඒ කියන්නේ සත 13ක් වගේ..කවදා දියුණු වෙන්නද නේද? internet bill එක cover කරගන්නත් මදි වෙයි හොයන ගාන. අද කියන්නේ ගොඩක් අය දන්න දෙයක් ගැන. නොදන්න අයට දැනගන්නයි මේ ලිපිය. 

ඔයාට මේ ක්‍රමයෙන් සල්ලි හොයන්න අවශ්‍ය වෙන්නේ,

• සාමාන්‍ය ඉංග්‍රීසි දැනුම (සුද්දෙක් එක්ක msg වලින් ගනුදෙනු කරන්න.)

• Computer එකක් 

• අන්තර්ජාල පහසුකම (Dialog නම් වඩාත් හොඳයි)

• Creative Mind එකක්

• හොඳ කැපවීමක්

• අළුත් දේවල් ඉගෙනගැනීමේ හැකියාව සහ උනන්දුව

ඔයා ටික තියනවනම් ඕන තරම් සල්ලි හොයන්න පුළුවන්. හැබැයි චූටි වාසනාවකුත් තියෙන්නම ඕනි. ;) හැබැයි හොයන ගාන නියමිත ගානක් කියලා කියන්නවත් මෙච්චර දවසකින් කියලවත් කියන්න බෑ. තමන්ගේ උත්සාහය, උනන්දුව සහ අර චූටි වාසනාව මත තමයි ඒක තීරණය වෙන්නේ. 

මේ මොනවත් ගැන නෙවෙයි Free-Lancing ගැන කියන්නේ..ඒ කියන්නේ ස්වාධිනව තමන්ගේ සේවාවන් අලෙවි කරන එක ගැන. මේකට වෙබ් අඩවි කිහිපයක්ම තියනවා. මේ ලිපියෙන් වෙබ් අඩවි ගැන හඳුන්වලා දෙන්නම්. 

1. Microworkers 
    කිසිම දෙයක් නොදැන හම්බකරන්න පුළුවන් site එකක්. English දැනුම විතරයි ඕනි. තව කියන දේ තේරුම් ගන්න පුළුවන් වෙන්නත් ඕනි :P මේකේ පොඩි පොඩි jobs දාල තියනවා. FB Likes, Shares, Youtube Comments වගේ පොඩි දේවල්. හරිම ලේසියි. හැබැයි ගොඩාක් හම්බකරන්න අමාරුයි. Ads click කරනවට වැඩියනම් ගොඩක් හොඳයි.  
 
2. Fiverr
    මේක තමයි හොඳට හම්බකරන්න පුළුවන් ලේසිම තැන. ඔයාට ඔයා අලෙවි කරන සේවාවල් ගැන අවබෝධයක්, අදහසක් තියනවනම් මෙතන තමයි ලේසියෙන්ම, වැඩි කරදරයක් නැතුව ඔයාට යන්න පුළුවන් තැන. මේක ගැන තමයි අපි කියලා දෙන්නත් හිතාගෙන ඉන්නේ. 

3. Upwork
    ඔයාට හොඳ දැනුමක් තියනවනම් මොනාහරි දෙයක්/දේවල් පිළිබඳව මේකත් පටන් ගන්න පුළුවන්. මේකේ කලින් නම තිබුනේ odex කියලා. මේකේ register වෙලා exams තියනවා කරන්න. ඒවා කරන්නයි දැනුම ඕනි වෙන්නේ. IT වලට, Photoshop වලට, Illustrator වලට වෙන වෙනම exams තියනවා. තමන්ට නිවැරදි දැනුම තියනවනම් ඒවා කරලා ඉස්සරහට යන්න පුළුවන්.

4. Designcrowd
    Graphic Designing හොඳටම පුලුවන්නම් මේක හොඳ site එකක්. Buyersලා තමන්ට ඕනි දේ ගැන විස්තර දාලා තියනවා. ඔයාට තියෙන්නෙ ඒ දේ හරියට කරලා submit කරන එක. ඔයා වගේ තව ගොඩක් අය submit කරනවා. Buyer ඒ අතරින් තමන් කැමතිම එක තෝරාගන්නවා. එතන පොඩි ගණන් වල නෙවෙයි කෙලින්ම $100 - 200 ඒවා තමයි ගනුදෙනු වෙන්නේ.
 
5. Freelancer
    හොඳ දැනුමක් තියන අයට මේ site එක හොඳයි. මේකෙත් ලොකු ගනුදෙනු තමයි එහා මෙහා යන්නේ. තව exams තියනවා අපි pay කරලයි ඒවා කරන්න ඕනි. ඒ නිසා මුලින්ම පටන් ගන්න අය මේ වගේ ඒවට නොගිහින් Fiverr වගේ ලේසි එකකින් පටන් ගමු නේද?  

දන්න sites ටික ගැන කිව්වේ. තව තියනවනම් comment කරලා යන්න. අපිටත් දැනගන්න ;) 

ඔය SLT වගේ static ip address තියන අය කලබලේ ගිහින් Fiverr වල එහෙම register වෙන්න එපා. හදන account එක හරියට හදමු. ඒ නිසා ඊළඟ ලිපියෙන් Fiverr ගැන කියලා දෙනකම් ඔයාට කරන්න පුළුවන් වැඩ, දෙන්න පුළුවන් සේවාවන් ගැන list එකක් එහෙම හදාගෙන තියාගන්න. Tutorials එහෙම බලලා Photoshop එහෙම වගේ පුරුදු වෙන්න බලන්න. :D 

ජය වේවා!

Share this

Author : Charana

Related Posts